Sara, 6 vjeçe

Sara është 5 vjeçe. Ajo është më e vogla e fëmijëve dhe rritet mes përkëdhelive të të gjithëve të cilat ajo jo shumë i kupton. E ati tregon tmerrin e një nate dimri në janarin e vitit 2011. “Ramë për të fjetur dhe vetëm kur dëgjojmë të qarat e Sarës. Ajo ishte vetëm një muajshe e gjysmë. Ishte ora 12 e natës. Ajo dridhej. Kishte temperaturë të lartë. Deshëm ta fusnim në govatë me ujë por ujë nuk kishte. Nga i ftohti ishin prishur tubat. Gjetëm vetëm një bidon. Me atë e lagëm pak. Pastaj në mëngjes e çuam në spital”- kujton Besimi. Që prej asaj nate ajo nuk ishte kurrë si të tjerët... Ajo u diagnostikua me encefalopati dhe nuk foli e nuk eci kurrë.

E vogla ka një lidhje të veçantë me të atin. Përkëdhelitë e tij janë ato që e gëzojnë më shumë. Atij i lëshon edhe disa belbëzima. Ba...-  i thërret ajo. Jeta e tyre nuk është e lehtë. Sara nuk ju tregon dot çfarë lodrash pëlqen, çfarë ushqimi preferon apo çfarë i dhemb. “Nuk e kuptojmë kur i dhemb një dhëmb derisa i enjtet mishi”- thotë e ëma.

http://www.wvi.org/sites/default/files/styles/large/public/20107834_10210016364632799_1541072070_o.jpg?itok=wtl-8QfL

Pas vizitës nga punonjësit e World Vision në fshatin e tyre, në Dardhë, ata u vunë në dijeni për qendrën e shërbimeve të specializuara në qendër të Librazhdit dhe prej që disa javësh kanë filluar ta dërgojnë vajzën atje. Sara syqeshura ka nevojë për fizioterapi dhe logopedi. Por një herë në javë për të janë pak. Ajo ka nevojë për më shumë seanca por për prindërit e papunë kosto e transportit deri në qytet është e papërballueshme.

Që Sara dhe fëmijë të tjerë të mund të marrin shërbimet që u nevojiten, World Vision ka filluar programin social “Tungjatjeta”.  Ti mund të ndihmosh duke dhuruar 400 lekë.

 

 

PARTNERËT TANË
 

   

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ekipi i World Vision në bashkëpunim me shoqatën MEDPAK menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata do ti përgjigjen në mënyrë specifike secilit prej rasteve të fëmijëve të identifikuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Shërbimet e “Tungjatjeta” do t'i shtohen hartës së shërbimeve të ofruara nga Qendra Komunitare në Librazhd, e cila menaxhohet nga MEDPAK.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë në të gjitha fushat e zhvillimit nga ekipi i specialistëve. Ky ekip harton një Plan Zhvillimi Individual me objektiva afatshkurtëra dhe afatgjata për zhvillimin e fëmijës.
Vizita në familje: Frekuenca e vizitave për cdo fëmijë bazohet në diagnozën e tij.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Ndihmon fëmijën të lëvizë, të qëndrojë ulur e të përmirësojë të ecurën. Gjithashtu zvogëlon dhimbjet trupore për fëmijët që qëndrojnë të shtrirë për një kohë të gjatë. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 230 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 33 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

MEDPAK

MEDPAK është një shoqatë e themeluar që prej vitit 1993, e specializuar në trajtimin dhe menaxhimin e Aftësisë së Kufizuar. Në bashkëpunim me World Vision dhe Bashkinë Librazhd ajo mbështet një Qendër Komunitare për Fëmijë dhe të Rinj me Aftësi të Kufizuar. MEDPAK ka marrë përsipër menaxhimin e Qendrës dhe kthimin e saj në një Qendër me bazë Komunitare, ku fëmijët me Aftësi të Kufizuar të marrin  shërbime cilësore të cilat jua garanton ligji.

Qendra shërben për fuqizimin e prindërve, kujdestarëve të femijëve me Aftësi të Kufizuar dhe aftësimin e tyre drejt një jete të pavarur, pasi mbarojnë klasën e nëntë.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Newsletter

Rregjistroni emailin tuaj për të marrë njoftimet tona.

Na Ndiqni