Arjani, 15 vjeç

 

Arjani është më i vogli i familjes. Ai erdhi në jetë pas motrës dhe 2 vëllezërve. Prindërit tregojnë se jetesa në një familje të madhe si e tyrja, në një fshat të varfër si Xhyra e Librazhdit, nuk është e lehtë. Ata janë të dy të papunë. Burimi i vetëm që mund t‘iu sigurojë të ardhura është një lopë dhe pak tokë ku mbjellin zarzavate, fruta dhe misër.

Brenga e tyre më e madhe është Arjani, sot 15 vjeç. E ëma tregon se kur ishte ende foshnjë kaloi një temperaturë të lartë dhe që atëherë nuk ishte më si gjithë bashkëmoshatarët e tij. “Nuk e kuptuam si i erdhi. E çuam tek doktori pas disa ditësh dhe diagnoza që i caktoi mjeku ishte autizëm fëminor”- tregon e ëma.

Që atëherë ai nuk ka marrë kurrë shërbimet e nevojshme për të cilat ka nevojë, që të përmirësohet. Atij i nevojitet logopedi, por qendra e vetme ku mund të marrë shërbime është në qendër të Librazhdit.

Ai është i qetë, fjalëpakë, i qeshur, i pëlqen të ketë shokë, të dalë me ta e të luajë. Mes të tjerash, Arjanit i pëlqen shumë të shohë televizor dhe të dëgjojë muzikë.

A ke shokë? - e pyesim.

-“Jo” - përgjigjet.

“Ata nuk pranojnë të luajnë me të. Kanë turp të lajnë me të. E tallin. Ka pasur raste që edhe e kanë rrahur”- tregon e ëma e përlotur.

Djali përfundoi vjet shkollën 9-vjeçare, por nga shkolla nuk mori asgjë. “Ëndrra ime më e madhe është që Arjani të mësojë të shkruajë të paktën emrin e vet” – thotë e ëma e përlotur.  

Prindërit duan shumë që Arjani të marrë kujdesin e specializuar mjekësor për t’u përmirësuar sadopak. Për këtë, World Vision, ka filluar programin social Tungjajeta, që do i mundësojë shërbime të specializuara fëmijëve me aftësi të kufizuara në fshatrat e thellë të Librazhdit.

Ju keni mundësinë ta ndihmoni Arjanin të marrë shërbimet e domosdoshme duke dhuruar 400 Lekë në muaj.

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni