Elvani, 8 vjeç

Tungjatjeta Elvan!

“Elvani ishte gëzimi ynë i parë. Sa fëmijë i bukur ka qenë! Qeshte shumë me të gjithë. Kam kaluar çastet më të bukura të jetës sime me të kur ishte bebe. S’na e merrte mendja kurrë...”- fillon të tregojë Vjollca.

Elvani ishte 2 muajsh kur Vjollca filloi të vinte re një lëvizje jo normale të syve. Pas disa ditësh e dërguan në spital. Mjekët u thanë se djali kishte kaluar temperaturë të brendshme. “E kuptuam që nuk ishte gjë e mirë po nuk e dinim çfarë problemesh i kishte shkaktuar çunit”-  thotë Vjollca, 33 vjeçe. Elvani sot është 8 vjeç dhe flet shumë pak. Prindërit kanë vështirësi ta kuptojnë sepse ndonjëherë përsërit fjalët e tyre. Ai bëhet shpejt nervoz dhe ka vështirësi të mësoj gjërat e reja.

Vjollca tregon se atij i pëlqen shumë të luajë me fëmijë të tjerë. “Kam qef të bëhem futbollist, të luaj me top”- thotë Elvani  me gjymë zëri. Ai e kalon ditën duke luajtur me top me të vëllain, Rejanin, 4 vjeç.

Vitin që shkoi Elvani duhet të fillonte klasën e parë si bashkëmoshatarët. “E regjistrova në shkollë, por mësuesja nuk ma pranoi se ai është pak i shpërqëndruar. Lëre edhe një vit në kopësht më tha. Le të mësojë ngjyrat dhe numrat”- tregon Vjollca. Ajo ashtu bëri, por vuri re që i biri filloi të sillej si më i vogël në moshë. Imitonte fëmijët e tjerë.

Vjollca është e vendosur që këtë vit të ri shkollor ta çojë në shkollë dhe që i biri të fillojë klasën e parë. Ai vetë merr në dorë lapsa dhe bën viza e ngjyros në fletore.

Elvani ka nevojë për seanca logopedie që të flasë më rrjedhshëm si dhe për një kontroll të detajuar mjekësor që t’i përcaktojë diagnozën e saktë.

Gjithë këto vite, ai nuk ka marrë kurrë asnjë shërbim. Largësia nga qendra e shërbimeve, kosto e transportit dhe mungesa e informacionit e kane lënë Elvanin pa mbështetje. Dëshira më e madhe e Vjollcës është që Elvani të bëhet i zoti i vetes, të dalë me shokët dhe të shkojë në shkollë. “Unë nuk dorëzohem kurrë, edhe kur ai më gjuan dhe më shtyn sepse nervozohet. Unë e marr afër vetes dhe e përqafoj” – tregon Vjollca me sytë e përlotur.

Por Vjoillca e vetme nuk mund të bëjë shumë. Elvani ka nevojë që të marrë shërbimet e duhura që të ketë një fëmijëri dhe jetë me dinjitet. Për këtë, World Vision, ka filluar programin Tungjatjeta.

 

Si mund të Dhurosh?

RAIFFEISEN BANK

Numër llogarie: 00 3088 0359

IBAN: AL60 2021 1013 0000 0000 3088 0359

SWIFT: SGSBALTX

Kartë Debiti / Krediti: http://www.tungjatjeta.al/#dhuro

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni