Irena, 10 vjeçe

Irena është 10 vjeçe. Ajo jeton në Gizavesh, një prej fshatrave të varfër të Librazhdit. Në qendër të tij është ndërtuar një xhami. Ajo është ndoshta e vetmja gjë me të cilën krenohen bashkëfshatarët atje. E përdorin edhe si pike orientimi gjithashtu. Përshembull shtëpia e Irenës është 2 minuta larg xhamisë.

Ajo dhe i vëllai, Marigleni, na presin në oborrr, plot gëzim. Irena na hidhet në qafë menjëherë. Ajo është me e madhja e fëmijëve. Ata janë tre motra dhe një vëlla. Ajo merr rolin e nënës shpesh herë, sepse nëna dhe babai jo gjithmonë mund të kujdesen për të vegjlit. Ata jetojnë vetëm me 1 asistencë ekonomike. Asnjëri prej kryefamiljarëve nuk punon. Shtëpia gati-gati po rrëzohet në tokë. Prej disa kohësh nuk kanë energji elektrike. Autoritetet ua kanë shkëputur, sepse ata kishin muaj pa shlyer detyrimet financiare.

Në shtëpinë e tyre ka vetëm orendi të falura. Shumë të tjera nuk janë fare. Irena na tregon se shpesh lan rrobat e motrës së vogël, 6 muajshe, me dorë, sepse nuk kanë lavatriçe. Por ajo nuk ankohet. “Ëndrra ime është të kem një televizor, si të gjithë, se rrobat i laj edhe me dorë”- thotë Irena.

Ajo ka edhe shumë ëndrra të tjera. “Sikur të kisha një biçikletë që të bëja xhiro, siç e ka Laura…”mendon ajo me zë të lartë. Por Irena nuk e ka. As biçikletën, as televizorin dhe nuk ka patur kurrë as mundësinë të ketë një jetë me dinjitet.

Këtë vit filloi klasën e 5-të, por ajo rrëfen se shkolla nuk i pëlqen, me mësime nuk është mirë dhe shoqe e shokë nuk ka. “Ata më shajnë, më gjuajnë, më shtyjnë”- na tregon ajo. Irena e ka të vështirë të bëhet shoqe me ta.

Irena nuk ka marrë kurrë dashurinë dhe kujdesin për të cilin ka nevojë. E ëma tregon se vite më parë, ajo u diagnostikua me autizëm. Por ata nuk kanë pasur kurrë mundësi ta ndjekin tek specialistët. “Na thanë ta çojmë në Tiranë, por ne nuk kemi mundësi. Edhe dosjen e kemi lënë tek doktori në Elbasan, se atje e vizituam”- tregon ajo.

Studimi ynë i fundit mbi prevalencën e aftësisë së kufizuar tek fëmijët e moshën 2-17 vjeç, tregoi se, në Shqipëri jetojnë 70 mijë fëmijë me aftësi të kufizuara dhe 92% e tyre nuk marrin shërbimet për të cilat kanë nevojë. Që Irena dhe këta fëmijë të kenë mundësi për të jetuar një jetë me dinjitet, World Vision ka nisur programin social Tungjatjeta. Ti mund të japësh kontributin tënd!

Si mund të Dhuroni:

Raiffeisen Bank

Numër llogarie: 00 3088 0359

IBAN: AL60 2021 1013 0000 0000 3088 0359

SWIFT: SGSBALTX

Kartë Debiti / Krediti: http://www.tungjatjeta.al/#dhuro

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni