Jasmina, 7 vjeçe


Tungjatjeta Jasmina!

Jasminës i pëlqen të dëgjojë muzikë, të shohë filma vizatimorë në televizor, të dalë shëtitje me motrën dhe vëllain. I pëlqen kur mami e vesh me rrobat e saj të preferuara dhe kur i përkëdhel kokën teksa i kreh flokët, por më shumë se çdo gjë tjetër Jasminës i pëlqen të dëgjojë zërin e të atit në telefon. Kur ai e përkëdhel, ajo lëshon britma gëzimi dhe sytë i marrin një tjetër shkëlqim, atë që vetëm zëri i tij mund t’ia japë.

Jasmina sot është 7 vjeçe. Kur ishte vetëm 2 vjeçe u diagnostikua me Sindromën Rett, një sëmundje e rrallë gjenetike që e bën të sëmurin të humbasë të folurën, oreksin, përdorimin e duarve dhe shumë funksione të tjera. E vogla ka edhe kriza të shpeshta epilepsie.

E ëma, Mirela, tregon se që prej asaj kohe ata luten vetëm për shërimin e saj. “Nuk e besonim dot se si krejt papritur goca nuk na fliste më. Ndryshoi shumë: qante, nervozohej shumë shpejt, rrëzohej në tokë...”- tregon Mirela.

Bashkë me të shoqin, ajo e solli në Tiranë. Për pak kohë vajza iu nënshtrua vizitave dhe terapisë së logopedisë. Pas pak muajsh vajza u kthye në fshatin ku jetojnë, në Berzeshtë të Librazhdit dhe gjatë gjithë kësaj kohe ajo nuk ka mundur të marrë kurrë shërbimet e specializuara për të cilat ka nevojë. Mirela tregon se ata nuk kanë makinë dhe për të shkuar tek qendra e shërbimeve, në qytet, i duhet të dalë në rrugën e madhe e të presë furgonat e rastit. “Na ka ndodhur të presim edhe 30 min, po ku mbahet Jasmina…Ajo bëhet shumë nervoze dhe fillon grindet, bërtet. Të gjithë na shohin neve…”- rrëfen Mirela teksa tregon për luftën për t’i bërë ballë mentalitetit që fëmijët me aftësi të kufizuara i mbyll në shtëpi.

Vitin që shkoi, Jasmina, shkoi për disa kohë në kopësht. E ëma e shoqëronte dhe ulej me të, që ajo të përshtatej më lehtë, të ambjentohej dhe të mund të mësonte diçka. Mirela bëri rolin e edukatores për të. Këtë vit, ajo kishte dëshirë që e bija të fillonte klasën e parë. “Kisha frikë. Ajo nuk ishte gati. Vendosëm që këtë vit ta çojmë më shpesh në qendër me shpresën që edhe krizat e epilepsisë do ta zënë më rrallë dhe shpresojmë që ta çojmë vitin tjetër”- thotë Mirela.

Ajo lutet që e bija të përmirësohet. “Të paktën të më thonte prapë “mami”...kaq dua!”- shprehet Mirela.

Që Jasmina dhe fëmijë të tjerë si ajo të mund të marrin shërbimet e specializuara, World Vision ka filluar programin Tungjatjeta, që do të mundësojë vizita në shtëpi për fëmijët me aftësi të kufizuara.

 

Si mund të dhuroni:

Raiffeisen Bank

Numër llogarie: 00 3088 0359

IBAN: AL60 2021 1013 0000 0000 3088 0359

SWIFT: SGSBALTX

Kartë Debiti / Krediti: http://www.tungjatjeta.al/#dhuro.

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni