Leonora, 16 vjeçe

Tungjatjeta Leonora!

Rruga për në shtëpinë e Leonorës është e gjatë. Mban rreth 40 minuta me makinë. Në një pjesë të rrugës nuk duken më shtëpi, dhe të duket sikur ke humbur rrugën. Por nuk duhet dhe shumë dhe fillojnë të shquhen disa shtëpi, tek tuk. Pas malit dallohet edhe shtëpia e Leonorës, bashkë me 3-4 shtëpi të tjera. Jemi në Kokrevë, një fshati i largët i Librazhdit.

Sapo mbërrijmë, na presin prindërit e Norës, siç e thërrasin ata. Osmani dhe Lumturia janë prindër të tre vajzave dhe një djali. Kimetja 24- vjeçare sapo ka mbaruar universitetin për administrim biznesi, i vëllai, Erjoni, 20 vjeç, ka emigruar në Angli, si shumë djem të tjerë në atë zonë, Nora është 16 vjeçe dhe Diana, më e vogla, 13. Nora është e përkëdhelura dhe e përkujdesura e të gjithëve. Shtatlarta me sy blu, të bën për vete menjëherë. Ajo ka një shikim të thellë.

Osmani, i ati nuk vonon të rrëfejë përsiatjet e familjes së tij që mbajnë emrin e saj… Nora ishte 5 vjeçe kur kaloi krizën e parë të epilepsisë. Ajo u rrëzua në tokë dhe filloi të dridhej. Kjo gjë filloi t’i ndodhte shumë shpesh. “Ishte 15 maj i 2005-ës. Nuk e harroj atë ditë. E sollëm në Tiranë. Mjekët i bënë skaner dhe thanë se ka nevojë për operacion” – kujton me dhimbje Kujtimi.

Ai beson se ai operacion i shpëtoi jetën së bijës por nuk i ktheu dot fëmijërinë që ia vodhi përgjithmonë. Nora mori një kurë me ilaçe të cilat nuk i ndërpreu më kurrë. Sot Nora është 16 vjeçe dhe merr 14 hape në ditë, 7 në mëngjes dhe 7 në darkë. Ato i shkaktojnë një gjendje pasiviteti të vazhdueshëm por, e ëma, Lumturia, thotë se nëse nuk i merr Nora nuk qëndron dot as në këmbë. “Goca ka kriza të shpeshta. Një ditë e gjeta në kuzhinë, të shtrirë, pa ndjenja. Një ditë tjetër na u rrëzua para syve në verandë. Vetëm ato ilaçe e mbajnë gjallë. Sikur të pinte ca më pak se më dridhet dora kur ia jap. Po i shkatërrohet stomaku...shih sa e dobët ka ngelur...”- thotë mes lotësh Lumturia.

Norës i pëlqen të dëgjojë muzikë, të shohë TV, të bëjë fotografi. Të vetmet fjalë që Nora na thotë me vështirësi janë: “Më pëlqejnë këngët e bukura”.

Gjatë këtyre viteve, Nora e ka ndjekur shkollën me ditë dhe nuk ka mundur të marrë asgjë prej saj. Ajo nuk njeh as gërmat dhe as numrat. “Sa herë kisha mundësi, e çoja tek shkolla që ka klasën speciale në Librazhd, por kur vinte nga atje Nora bëhej shumë agresive se imitonte fëmijët e tjerë”- tregon Osmani.

 Ai nuk ka pasur mundësi ta çojë Norën në qendra të specializuara. Më e afërta është në qendër të Librazhdit, por për të vajtur atje atyre u duhet të paguajnë 400 lekë të rinj personi dhe për to janë shumë para. Barnat e Norës kushtojnë 20 mijë lekë të rinj, dhe vetëm 14 mijë rimbursohen. Të tjerat, 6 mijë lekë të rinj, familja i siguron vetë. Osmani është i vetmi që punon. Ai punon në mirëmbajtjen e fshatit. Bashkëshortja e ka të pamundur, sepse duhet të kujdeset për Norën, gjatë gjithë kohës.

Dëshira e tyre më e madhe është që Nora të marrë kujdesin e specializuar mjekësor që të përmirësohet, sadopak. Për këtë, World Vision, ka filluar programin social Tungjajeta, që do ti mundësojë fëmijëve me aftësi të kufizuara në fshatrat e thellë të Librazhdit, shërbime të specializuara.

Si mund të dhuroni:

Raiffeisen Bank

Numër llogarie: 00 3088 0359

IBAN: AL60 2021 1013 0000 0000 3088 0359

SWIFT: SGSBALTX

Kartë Debiti / Krediti: http://www.tungjatjeta.al/#dhuro.

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni