Oligerta, 14 vjeçe

 

Oligerta, është 14 vjeçe. Kur erdhi në jetë kaloi një temperaturë të lartë dhe kjo ka bërë që ajo të jetë me zhvillim të vonuar. Të paktën kjo është diagnoza që i kanë dhënë mjekët deri më tani. Ajo nuk flet, nuk reagon ndaj asgjëje, nuk lëviz asnjë gjymtyrë. Madje dhe për të ngrënë ushqehet si një bebe disa muajshe, vetëm me qumësht.

Oligerta është brenga më e madhe e prindërve. Ata e kishin ëndërruar një vajzë pas 3 djemve. “Këtu në fshat, njerëzit i duan vajzat për punë shtëpie e are. Unë dua vetëm të ngrihet në këmbë për veten e vet, vetëm kaq dua”- thotë e ëma.

Por Oligerta është e lidhur pas një shtrati përjetësisht. Ajo nuk njeh askënd nga familjarët, nuk e njeh të ëmën, as gjyshen, që i rri në çdo orë në krah, as tre vëllezërit që e shohin me dhimbje të madhe, as babain. Ajo njeh vetëm dhembjen. Kriza të forta epilepsie e përshkojnë herë pas here. “Ajo vetëm dridhet. Më këputet shpirti. Nuk më tregon dot çfarë i dhemb”- thotë i ati.

Besimi ka punuar shumë kohë në emigracion në Greqi. “Kjo vajzë është dhimbja e jetës time. Nuk e shpëtova dot. Kam bërë sa kam mundur” – tregon ai. Besimi na flet gjatë për betejën e tij të përditëshme, të mbajë në këmbë familjen e tij. Nuk e thotë direkt e krejt shkoqur, por duket se e mundon një hall i madh: Familja përfiton afër 30 mijë lekë në muaj nga fatkeqësia që e ka zënë. Fisniku Besim nuk ka se si ta pranojë këtë gjë. Si mund ta mbahet familja nga një hall i madh?

Studimi ynë i fundit tregoi se rreth 70,000 fëmijë në vend jetojnë me një vështirësi të thelluar dhe 92 % e tyre nuk marrin shërbimet që u nevojiten. Që Oligerta dhe fëmijë të tjerë të ketë mundësi të marrin shërbimet e specializuara, ne kemi nisur programin “Tungjatjeta”që ofron vizita dhe shërbime për fëmijët me Aftësi të Kufizuar, në zonat më të thella të vendit, pranë banesave të tyre.

 

PARTNERËT TANË
 

    

 

   

 

PSE DUHET TË DHUROJ PËRMES TUNGJATJETA?

Tungjatjeta është një program social për integrimin e fëmijëve me Aftësi të Kufizuar.

Ajo çka e bën këtë program unik është fakti që fëmija nuk trajtohet në mënyrë të veçuar. Punohet me të gjithë elementët e trekëndëshit themelor që ndikon jetën e fëmijës: fëmijë, familje, komunitet. Jo vetëm fëmija merr kujdesin shëndetësor, por kujdestarët ligjorë, familjarët, bashkëmoshatarët dhe anëtarë të tjerë të komunitetit janë aktorë të planit të zhvillimit të fëmijës. Ata konsultohen dhe trajnohen për çdo rast specifik për të ndihmuar procesin e integrimit të këtyre fëmijëve.

Ekipi i World Vision në bashkëpunim me shoqatën MEDPAK  dhe Bashkinë Librazhd, menaxhojnë këtë program. MEDPAK ka një përvojë shumëvjeçare në trajtimin e Aftësisë së Kufizuar. Së bashku ata kanë marrë përsipër të mbështesin Qendrën Komunitare për Fëmijë dhe të Rinj me Aftësi të Kufizuar dhe t’i përgjigjen në mënyrë specifike secilit prej rasteve të identifikuar.

 


 

PËRMES TUNGJATJETA FËMIJA PËRFITON:

Plan zhvillimi Personal: Fëmija përfiton një vlerësim të plotë, të stadit të zhvillimin psikosocial. Ne bazë të tij, ekipi i ekspertëve harton një Plan Zhvillimi Individual për fëmijën dhe familjen e tij. Ofrohet mbështetje psikoemocionale e prindërve në zhvillimin e potencialit të fëmijëve të tyre.
Vizita në familje: Frekuenca e vizitave për cdo fëmijë bazohet në diagnozën e tij, minimalisht një herë në javë.
Fizioterapi: Për forcimin e muskujve, zhvillimin e lëvizjeve dhe qarkullim më të mirë të gjakut. Aplikohet për fëmijët me paralizë cerebrale, encofelopadi, paraplegji, distrofi muskulare etj.
Logopedi: Zhvillon të folurin dhe artikulimin e fjalëve, në mënyrë që fëmijët të mund të shprehin nevojat e tyre.
Psikoterapi: Ndihmon fëmijët me çrregullime mendore, por edhe prindërit që paraqesin një gjendje të rënduar psikologjike.
Transport: Fëmijët, sipas rastit, tranportohen drejt qendrave të posaçme për trajtime më të specializuara.
Konsultime: Aftësim i prindërve si të zhvillojnë terapinë ndaj fëmijës dhe ndërgjegjësim i anëtarëve të komunitetit mbi rastin.
Set materialesh zhvillimi dhe didaktike: Që prindërit të mund të punojnë gjatë kohës në shtëpi sipas udhëzimeve të specialistit.


 

PAMJE E PËRGJITHSHME E WORLD VISION ALBANIA

World Vision në Shqipëri është një organizatë e krishterë humanitare, zhvillimi dhe avokatie e cila punon në 220 komunitete në nevojë, në 10 rajone që prej vitit 1999. Përmes mobilizimit komunitar ndihmon në mbrojtjen, edukimin, fuqizimin dhe gjithpërfshirjen e 32 mijë fëmijëve dhe të rinjve më nevojtarë në Shqipëri. World Vision gjendet edhe në vende të tjera te Ballkanit Perendimor që pas krizës ndër-etnike në këtë rajon. World Vision është një nga organizatat më të mëdha në fushën e zhvillimit të  fëmijëve dhe të rinjve në botë. Në Shqipëri, ne punojmë përmes programit të mbrojtjes së fëmijëve, rinisë dhe edukimit.

Në arenën ndërkombëtare, World Vision, ka filluar veprimtarinë e vet më 1950 dhe aktualisht vepron në pothuajse 100 vende.

Keni pyetje apo komente? Na shkruani:

Na Kontaktoni

  • Rruga “Skënderbej”, Ndërtesa Gurten,
    Kati 2, Tirana, Albania
  • Phone: +355 4 2419601
  • Email: info@tungjatjeta.al

Facebook Feed

Na Ndiqni